Statistikk for inkasso

Om statistikken

Finanstilsynet presiserer at dei presenterte tala for framandinkasso ikkje viser totale tal for kva som er til inndriving i Noreg. Inndriving av eigne krav (eigeninkasso) og krava som blir inndrivne av Statens innkrevjingssentral og inkassoverksemda til advokatar, inngår ikkje i talmaterialet.

Samanlikna med til tidlegare år har Finanstilsynet frå og med første halvår 2021 valt å avgrense utvalet av data som blir presentert. Dette gjeld enkelte opplysningar som kan gi eit feilaktig bilete av den generelle utviklinga i inkassosaker. Årsaka til dette er at inkassoporteføljar i aukende omfang blir flytta mellom inkassoføretak. Når eit inkassoføretak overtek ein saksportefølje som har vore til inndriving i eit anna inkassoføretak, blir inkassosakene registrerte som «mottekne» i det overtakande inkassoføretaket, utan at det nødvendigvis dreier seg om «nye» inkassosaker. Inkassoføretaket som har hatt saksporteføljen til inndriving, registrerer samtidig dei same inkassosakene som «avslutta», utan at inkassosakene reelt sett er oppgjorde og avslutta.

Dei samla antalet mottekne inkassosaker og avslutta inkassosaker er dermed bruttostorleikar og inneheld saker som kan ha vore registrerte fleire gongar hos ulike inkassoføretak.

Ein annan konsekvens ved flytting av porteføljar mellom inkassoføretak er at «eldre» inkassosaker kan bli feilkategoriserte som «yngre» hos inkassoføretak som overtek porteføljar. I tillegg til opplysningane som er nemnde ovanfor, har Finanstilsynet derfor òg valt å ta ut opplysningar om antalet saker, fordringsmasse og hovudstol som er eldre enn 18 månedar, frå inkassostatistikken.

Finanstilsynet gjer merksam på at innrapporterte tal ikkje kan bli gitt på fylkesnivå, ettersom tala ikkje er relaterte til adressa til skyldnaren, men berre kor inkassoføretaket driv verksemda.