Informasjon om eFormidling
Publisert: 16. oktober 2020
Sist endret: 27. oktober 2022
Finanstilsynet nyttar sikker og effektiv elektronisk kommunikasjon med mottakarane sine. Altinn blir nytta for digital post til næringsdrivande og andre verksemder med organisasjonsnummer, medan Digital postkasse blir nytta for personar og einingar med personnummer.
Verksemder og føretak
Verksemder og føretak under tilsyn mottek post frå Finanstilsynet i Altinn.
Verksemder som mottek post i Altinn, får eit varsel til varslingspunktet sitt. Einingar som er registrerte i Einingsregisteret, skal alltid ha ei oppdatert elektronisk adresse gitt av eininga.
For å sikre at posten kjem til riktig person i verksemda, må roller og rettar i Altinn vere korrekt sette opp. Kvar enkelt verksemd er sjølv ansvarleg for å sette opp roller og rettar.
Les meir om korleis dette kan gjerast:
Verksemder som er registrerte i Einingsregisteret, kan ikkje reservere seg mot å motta meldingar i Altinn.
Privatpersonar og eningar som ikkje er registrerte i Einingsregisteret
Privatpersonar og einingar som ikkje er registrerte i Einingsregisteret, kan motta post i Digital postkasse for innbyggarar. Personar som mottek post i den digitale postkassa, vil få eit varsel til varslingspunktet sitt. Varslingspunktet blir henta frå eit register over digital kontaktinformasjon og reservasjon.
Finanstilsynet oppmodar mottakarane sine til å opprette ei digital postkasse dersom dei ikkje alt har gjort det.
Korleis velje postkasse og oppdatere kontaktinformasjonen i kontakt- og reservasjonsregisteret:
Privatpersonar og einingar som ikkje er registrerte i Einingsregisteret, kan reservere seg mot å motta elektroniske meldingar frå offentleg forvalting. Dei vil i staden motta posten på papir.