YesOption
Publisert: 19. oktober 2017
Sist endret: 11. februar 2019
Finanstilsynet åtvarar mot investeringstilbod marknadsført av YesOption
Finanstilsynet har motteke opplysningar om at YesOption, ått av Diamond Global Ltd., Ajeltake Road, Majuro, Marshalløyene, har kontakta norske investorar og tilbode investeringstenester. Selskapet tilbyr òg tenester frå nettstaden https://www.yesoption.com/ og gjennom Den Norske Metoden, frå nettstaden http://norwegianmethod.com/.
Finanstilsynet gjer oppmerksam på at YesOption ikkje har godkjenning til å drive investeringstenester i Noreg, og føretaket har derfor ikkje nødvendig godkjenning etter norsk lov. Dette inneber at Finanstilsynet ikkje har tilsynskontroll over selskapet eller har godkjent tenestene som selskapet tilbyr. Finanstilsynet tilrår derfor investorar om ikkje å inngå avtaler eller overføre verdiar til YesOption.
Finanstilsynets register inneheld informasjon om alle føretak som har løyve til å tilby investeringstenester i Noreg. På nettstaden til Finanstilsynet er det òg ei liste (ikkje fullstendig) over aktørar i marknaden som opererer utan løyve.