Årsrapporten til Finanstilsynet for 2021
Nyhet
Publisert: 8. april 2022
Sist endret: 19. april 2022
Årsrapporten gir ei oversikt over verksemda til Finanstilsynet og oppgåvene tilsynet gjennomførte i 2021.
«Rapport frå leiinga» innleier årsrapporten og er signert av styreleiar Finn Arnesen og finanstilsynsdirektør Morten Baltzersen. Deretter blir verksemda presentert, med omtale av organisasjonen og hovudtala. Del III rapporterer om aktivitetane og resultata for 2021 og inneheld oversikter over tilsynsaktivitetar og måloppnåing. Rapporten beskriv styring og kontroll i verksemda, og han gir tilsynet si vurdering av framtidsutsikter. Årsrekneskapen er den siste delen i rapporten.
Riksrevisjonen si revisjonsmelding for Finanstilsynet vil vere klar innan 1. mai og vil då bli publisert på finanstilsynet.no, saman med årsrapporten.
Anna rapportering
I februar publiserte Finanstilsynet rapportar som oppsummerer tilsynsverksemda i 2021 på alle tilsynsområda.
Meir omfattande analysar og vurderingar av finansmarknaden blir dekte av den halvårlege rapporten Finansielt utsyn i juni og desember og i kvartalsvise soliditets- og resultatrapportar for finansføretak. I tillegg publiserer Finanstilsynet den årlege risiko- og sårbarheitsanalysen (ROS), som oppsummerer arbeidet med IKT-sikkerheit i finanssektoren i det førre året, og rapportar frå tematilsyn på dei ulike tilsynsområda.
Årsrapport
Abonner på nyheter
Registrer deg for å få nyhetsvarsling når Finanstilsynet publiserer saker du er interessert i.