BRRD Minstekrav til ansvarleg kapital og konvertibel gjeld (MREL/TLAC) (KRT-1400 og KRT-1401)
Sist publisert: 10. januar 2025
Rapportering knytte til minstekrav til ansvarleg kapital og konvertibel gjeld (MREL), og minstekrav til total tapsabsorberingskapasitet (TLAC). Rapporteringa kjem som ei følge av gjennomføringa av EU si bankpakke (CRR2/CRD5/BRRD2) i norsk rett frå og med 1. juni 2022. Rapporteringa gjeld berre føretak som har fått fastsett MREL-krav av Finanstilsynet.
Rapportering
BRRD MREL og TLAC (KRT-1400 og KRT-1401)
Føretaka skal følge rapporteringsmateriellet frå det gjeldande rammeverket som EBA har publisert. Det gjeldande rammeverket inneheld ITS, valideringsreglar, DPM og taksonomipakke med mellom anna eksempelfiler. Sjå òg nettsida CRD Teknisk løsning for meir informasjon om det tekniske rapporteringsmateriellet.
Føretaka skal levere data som vedlegg til eit skjema i Altinn.
Kven skal rapportere?
Det er berre føretak som Finanstilsynet har fastsett MREL for, som er omfatta av rapporteringa.
Kva skal føretaka rapportere?
Kva for skjema som skal rapporterast, avheng av om føretaket er ei krisehandteringseining (resolution entity), eller om føretaket ikkje er ei krisehandteringseining, men har eit internt MREL-krav (entity that is not a resolution entity).
Tabellen under gir ei oversikt over kva for skjema som skal rapporterast av dei ulike typane føretak, og kva for konsolideringsnivå det skal rapporterast for. Merk at skjema M 07.00 skal leverast, sjølv om føretaket ikkje har noko å rapportere i dette skjemaet.
For nærare informasjon om kva som skal rapporterast, sjå vedlegg II i gjennomføringsforordning 2021/763 til EU-kommisjonen:
|
Skjema |
KRT-1401 BRRD MREL & TLAC Konsolidert | KRT-1400 BRRD MREL & TLAC Ikkje-konsolidert |
|---|---|---|
|
M 01.00 – Nøkkeltal for MREL og TLAC (KM2) |
Krisehandteringseiningar |
|
|
M 02.00 – Kapasitet og samansetning av MREL og TLAC (TLAC1) |
Krisehandteringseiningar |
|
|
M 03.00 – Intern MREL og intern TLAC (ILAC) |
Føretak som ikkje er krisehandteringseining |
|
|
M 04.00 – Finansieringsstruktur for konvertibel gjeld (LIAB-MREL) |
Alle føretak |
|
|
M 05.00 – Prioritetsrekkefølge (TLAC2) |
Føretak som ikkje er krisehandteringseining |
|
|
M 06.00 – Prioritetsrekkefølge (TLAC3) |
Krisehandteringseiningar |
|
|
M 07.00 – Instrument som er regulerte av tredjelandsrett (MTCI) |
Alle føretak |
|
Rapporteringsfristar
- kvartal: 19. mai
- kvartal: 18. august
- kvartal: 18. november
- kvartal: 18. februar
Dersom rapporteringsfristen fell på ein helligdag, laurdag eller søndag, skal føretaka levere rapporten den neste arbeidsdagen.
Relatert innhald
Altinn brukerservice
Har du tekniske spørsmål om bruk av Altinn, ta kontakt med