EBA publiserer den endelege taksonomien for Reporting Framework 4.2
Nyheter
Publisert: 5. desember 2025
Den endelege taksonomien, «Reporting Framework» versjon 4.2, som Den europeiske banktilsynsmyndigheita (EBA) publiserte 25. november, markerer eit viktig steg i overgangen til DPM 2.0 og nye rapporteringsstandardar i banksektoren i EU.
Informasjon om endringane med Reporting Framework 4.2 og tilhøyrande dokument er tilgjengelege på nettstaden til EBA:
Hovudendringane i Reporting Framework 4.2
Som Finanstilsynet har informert om tidlegare, er rapporteringsformatet XBRL CSV obligatorisk for føretaka si rapportering til EBA, med referansedato frå og med 31. mars 2026. Det er nokre unntak, der XBRL CSV blir obligatorisk før 31. mars 2026, og det gjeld områda MICA, PILLAR 3, DORA og Resolution Planning.
Den nye taksonomien inneber også endringar innanfor desse temaa:
- Instant Payments
- Resolution Planning
- Operasjonell risiko (COREP OF)
- MREL decisions
- Supervisory benchmarking for market risk
Rapporteringar til Finanstilsynet på XBRL CSV-formatet skal rapporterast inn via Finanstilsynet si nye portal-løysing: e-Reg
Portalen blir testa no med ei referansegruppe. Vi vil publisere meir informasjon om e-Reg på nettstaden etter nyttår.