Liberty-Volt
Sist publisert: 1. juli 2025
Finanstilsynet har motteke opplysningar om at Liberty-Volt har tilbode investeringstenester til investorar. Selskapet tilbyr tenester frå nettstaden liberty-volt.com
Finantilsynet viser til at nettsida til selskapet feilaktig oppgir at dei har adresse i Bergen. Finanstilsynet gjer oppmerksom på at Liberty-Volt ikkje har godkjenning til å drive investeringstenester i Noreg, og føretaket har derfor ikkje nødvendig godkjenning etter norsk lov. Dette inneber at Finanstilsynet ikkje har tilsynskontroll over selskapet eller har godkjent tenestene som selskapet tilbyr. Finanstilsynet tilrår derfor investorar om ikkje å inngå avtale eller overføre verdiar til Liberty-Volt.
Finanstilsynets register (https://www.finanstilsynet.no/register) inneheld informasjon om alle føretak som har løyve til å tilby investeringstenester i Noreg. På nettstaden til Finanstilsynet er og ei liste (ikkje fullstendig) over aktørar i marknaden som opererer utan løyve (https://www.finanstilsynet.no/markedsadvarsler)
Marknadsåtvaringar / investeringsbedrageri
Finanstilsynet får ofte førespurnader frå enkeltpersonar som har blitt tilbode aksjar, fondsdelar, CFD-ar og andre investeringsmoglegheiter per telefon, e-post eller post. Tilboda kjem frå seljarar som dei ikkje kjenner frå før, som ofte kallar seg «rådgivarar» eller «meklarar». Dette er svært ofte reine svindelforsøk.