Finanstilsynet åtvarar mot investeringstilbod marknadsført av Velstand-Paynor
Sist publisert: 12. august 2025
Finanstilsynet har motteke opplysningar om at Velstand-Paynor har kontakta norske investorar og tilbydd investeringstenester. Selskapet tilbyr òg tenester frå nettstaden www.velstand-paynor.com
Finanstilsynet gjer oppmerksam på at Velstand-Paynor ikkje har godkjenning til å drive investeringstenester i Noreg, og føretaket har derfor ikkje nødvendig godkjenning etter norsk lov. Dette inneber at Finanstilsynet ikkje har tilsynskontroll over selskapet eller har godkjent tenestene som selskapet tilbyr. Finanstilsynet tilrår derfor investorar ikkje å inngå avtale eller overføre verdiar til Velstand-Paynor.
I tillegg er Finanstilsynet kjent med at føretaket har misbrukt namn og identitetar til kjende personar i marknadsføringa av sine tenester.
Virksomhetsregister til Finanstilsynet inneheld informasjon om alle føretak som har løyve til å tilby investeringstenester i Noreg. På nettstaden til Finanstilsynet er det òg ei liste (ikkje fullstendig) over aktørar i marknaden som opererer utan løyve.
Marknadsåtvaringar / investeringsbedrageri
Finanstilsynet får ofte førespurnader frå enkeltpersonar som har blitt tilbode aksjar, fondsdelar, CFD-ar og andre investeringsmoglegheiter per telefon, e-post eller post. Tilboda kjem frå seljarar som dei ikkje kjenner frå før, som ofte kallar seg «rådgivarar» eller «meklarar». Dette er svært ofte reine svindelforsøk.