Stor Finansen
Sist publisert: 13. oktober 2023
Finanstilsynet åtvarar mot finansierings- og forsikringsformidlingstenester frå Stor Finansen.
Stor Finansen driv ulovleg finansieringsverksemd og forsikringsformidlingsverksemd utan løyve. Finanstilsynet har fatta vedtak som pålegg Stor Finansen å stanse den ulovlege verksemda umiddelbart. Selskapet tilbyr dei ulovlege tenestene frå nettstaden www.storfinansen.no. Stor Finansen er ikkje registrert i Einingsregisteret, og oppgir heller ikkje noko organisasjonsnummer på nettsida si.
Finanstilsynet åtvarar derfor mot å nytte seg av tenester frå Stor Finansen, eller inngå nokon avtaler med selskapet.
Finanstilsynets register (http://www.finanstilsynet.no/register) inneheld informasjon om alle føretak som har løyve til å tilby investeringstenester i Noreg. På nettstaden til Finanstilsynet er det òg ei liste (ikkje fullstendig) over aktørar i marknaden som opererer utan løyve (https://www.finanstilsynet.no/markedsadvarsler)
Relatert innhold
Marknadsåtvaringar / investeringsbedrageri
Finanstilsynet får ofte førespurnader frå enkeltpersonar som har blitt tilbode aksjar, fondsdelar, CFD-ar og andre investeringsmoglegheiter per telefon, e-post eller post. Tilboda kjem frå seljarar som dei ikkje kjenner frå før, som ofte kallar seg «rådgivarar» eller «meklarar». Dette er svært ofte reine svindelforsøk.