Oppjustering av minstekravet til forsikringssum for den lovpålagde ansvarsforsikringa til forsikringsformidlarar
Nyheter
Publisert: 2. juli 2025
Sist publisert: 4. juli 2025
Finanstilsynet fastsette 27. juni 2025 endringar i forsikringsformidlingsforskrifta § 3-1, som inneber ei oppjustering av minstekravet til beløpsmessig storleik for den lovpålagde ansvarsforsikringa til forsikringsformidlarar. Oppjusteringa er i samsvar med EØS-rettslege direktivforpliktingar.
Reguleringa av forsikringssummane trer i kraft 18. august 2025. Finanstilsynet forventar at forsikringsformidlingsføretak som ikkje oppfyller dei nye krava til ansvarsforsikring, innrettar seg innan fristen.
Dei nye minstekrava til ansvarsforsikring er 1 564 610 euro per skadetilfelle, 2 315 610 euro per år for forsikringsformidlingsføretak som har 10 eller færre forsikringsformidlarar, og 4 514 170 euro per år for forsikringsformidlingsføretak som har fleire enn 10 forsikringsformidlarar.