Faktura for tilsynsavgifta i 2025
Nyheter
Publisert: 30. april 2025
Utgiftene til Finanstilsynet blir fordelte på einingane som er under tilsyn av Finanstilsynet. Skatteetaten ved Statens innkrevjingssentral (SI) sender ut fakturaer for tilsynsavgifta på vegner av Finanstilsynet. Fakturaer til statsautoriserte rekneskapsførarar blir sende ut 2. mai 2025, og fakturaer til dei andre tilsynsgruppene blir sende i løpet av veke 19.
Bidraget frå tilsynseiningane er i år på 616 488 000 kroner. Tilsynsavgifta skal dekke utgiftene til Finanstilsynet. Alle einingane som var under tilsyn 31. desember 2024, skal betale tilsynsavgift i 2025. Einingane som blei avvikla eller mista konsesjonen i løpet av 2024, får ikkje krav om å betale tilsynsavgifta. Einingane som blei underlagde tilsyn i 2024, må betale det fastsette minimumsbeløpet for tilsynsgruppa. Det må òg føretak som har konsesjon, men som likevel ikkje har omsetning.
Meir informasjon om utlikning og tilsynsavgift
Statsautoriserte rekneskapsførarar
Fakturaer på tilsynsavgifta blir sende til 12 834 statsautoriserte rekneskapsførarar 2. mai 2025. Brevet under blir sendt saman med fakturaen frå Statens innkrevjingssentral.
Grensekryssande verksemd o.a.
Føretak og personar som driv verksemd i Noreg med konsesjon frå finanstilsyn i andre land (grensekryssande verksemd o.a.), betaler ei årleg avgift som skal dekke utgiftene til Finanstilsynet til vedlikehald av register og system. Dette gjeld norske agentar av betalingsføretak etablert i eit anna EØS-land, norske agentar av verdipapirføretak etablert i eit anna EØS-land, forvaltarar av alternative investeringsfond etablert i land utanfor Noreg, forvaltingsselskap etablert i eit anna EØS-land (UCITS) og revisorar og revisjonsselskap etablert i land utanfor EØS. Brevet under blir sendt saman med fakturaen frå Statens innkrevjingssentral.
- Utlikning av Finanstilsynets utgifter i 2025 – årlig avgift for grensekryssende virksomhet mv. (pdf)
- Apportionment of Finanstilsynet's expenditure in 2025 – annual levy for cross-border activities, etc. (pdf)
- Gebyr for søknader og meldinger om grensekryssende virksomhet mv. fra 1. januar 2024
Noterte føretak
Fakturaer for tilsynsavgifta til 267 noterte utskrivarføretak blir sende i veke 19. Brevet under blir sendt saman med fakturaen frå Statens innkrevjingssentral.
Andre tilsynseiningar
Fakturaer for tilsynsavgifta til dei andre tilsynsgruppene blir sende i løpet av veke 19. Brevet under blir sendt saman med fakturaen frå Statens innkrevjingssentral.
- Utlikning av Finanstilsynets utgifter for 2025 – tilsynsavgift til alle tilsynsenheter (pdf)
- Tabell – fordeling av tilsynsavgift i 2025 (pdf)
- Apportionment for Finanstilsynet's expenditure in 2025 – supervisory levy (pdf)
- Overview table – apportionment of Finanstilsynets expenditure 2025 – levies for supervision (pdf)