Endringar i avhendingslova – minsteterskel for mangelskrav

Eit sentralt omsyn bak endringane er å stimulere seljaren til å skaffe meir og betre informasjon om tilstanden til eigedommen. Finanstilsynet fekk spørsmål frå Norges eiendomsmeglerforbund om det er i strid med god meklarskikk dersom meklaren medverkar til å inngå avtalar der partane avtaler ein høgare minsteterskel. Finanstilsynet skreiv i svarbrevet sitt dagsett 19. oktober 2021 at det er i strid med god meklarskikk å legge til rette for ordningar som undergrev intensjonen til lovgivaren, og at ein uansett ikkje kan vike frå den nye føresegna om minsteterskel for mangelskrav i avhendingslova til kjøparen sin ugunst. I eit brev til Justis- og beredskapsdepartementet av same dato uttrykte Finanstilsynet si forståing av avhendingslova på dette punktet.