Høyringar frå ESMA: Forslag til reglar om garantiar, investeringsretningslinjer og PTRR-tenester etter EMIR 3

I 2012 fastsette EU reglar om OTC-derivat, verksemda til sentrale motpartar og transaksjonsregistre i forordning (EU) nr. 648/2016 (EMIR). Reglane er tekne inn i norsk rett i verdipapirhandelslova. I endringsforordning (EU) 2024/2987 (EMIR 3) er ESMA gitt eit mandat til å spesifisere kva typar garantiar som kan kvalifisere som sikkerheit hos sentral motpart. I tillegg foreslår ESMA nokre endringar i retningslinjene for sentrale motpartars investeringar. ESMA er også gitt eit mandat til å foreslå krav til PTRR-tenester. 

ESMA har no sendt forslag til utfyllande reglar om bruk av garantiar som sikkerheit hos sentrale motpartar og endringar i retningslinjene for sentrale motpartars investeringar på høyring. Utfyllande reglar med krav til PTRR-tenester er også sende på høyring. Formålet med høyringa er å innhente synspunkt og innspel frå partar som dette gjeld, særleg frå ikkje-finansielle motpartar om krav til garantiar. Når det gjeld PTRR-tenester er dette særleg relevant for aktørar som nyttar seg av porteføljekompressjon, rebalansering og basisrisikooptimalisering.

Det er grunn til å tru at reglane blir tekne inn i EØS-avtalen og gjennomførte i norsk rett i verdipapirforskrifta.

Finanstilsynet ber føretaka informere tilsynet dersom det er forhold av særleg betydning for norske interesser som Finanstilsynet bør vere merksam på. Det vil i utgangspunktet ikkje gjennomførast ny høyring når regelverket skal takast inn i norsk rett.

Høyringsfristen for bruk av garantiar og retningslinjer for investeringar er 30. april 2026. Høyringsfristen for “Post-trade” risikoreduseringstenester er 20. april 2026.

Høyringsnotatet og meir informasjon er tilgjengeleg på nettstaden til ESMA:

• ESMA consults on guarantees as CCP collateral and on certain aspects of CCP investment policy
• ESMA consults on post-trade risk reduction services under EMIR 3