Høyringar frå EIOPA: Forslag til nye og endra tekniske standardar og retningslinjer til Solvens II-regelverket

Desse høyringane dekker:

1. Endringar i den tekniske standarden (forordning (EU) 2015/2451) om informasjon som tilsynsmaktene skal offentleggjere. Det blir forslått endringar for å tilpasse informasjonen til endringar i regelverket.
2. Endringar i den tekniske standarden (forordning (EU) 2015/500) om godkjenning av matching-justering. Endringane reflekterer endringar i regelverket for matching-justering. Denne justeringa blir ikkje nytta av norske føretak.
3. Endringar i EIOPAS retningslinjer for verdivurdering av forsikringstekniske avsetningar. Endringane er knytt til endringar i regelverket for berekning av risikomarginen.
4. Endringar i EIOPAS retningslinjer for avgrensa fond ("ring-fenced funds"). Endringane inkluderer korreksjonar og tilpassingar til endra regelverk. Ingen norske føretak har avgrensa fond.
5. Ny teknisk standard for å endre artikkel 58 i forordning (EU) 2015/35 om forenkla berekningar av risikomarginen. Dette er ei justering for å sikre konsistens mellom forordninga og det endra Solvens II-direktivet.
6. Nye retningslinjer frå EIOPA om fullmaktene til tilsynsmaktene ved likviditetssårbarheiter. Retningslinjene spesifiserer kva tiltak tilsynsmaktene kan gjennomføre i ekstraordinære omstende for å redusere likviditetsrisikoen i føretaka.

Finanstilsynet legg til grunn at høyringane vil resultere i reglar som blir tatte inn i EØS-avtalen og gjennomført i norsk rett ved tilvising i Solvens II-forskrifta.

Finanstilsynet ber om å bli informert dersom det er forhold av særleg betydning for norske interesser som Finanstilsynet bør vere merksam på. Det vil i utgangspunktet ikkje gjennomførast ei ny høyring før regelverket blir tatt inn i norsk rett.

Høyringsfristen er 5. januar 2026.

Høyringsnotatet og meir informasjon er tilgjengeleg på nettstaden til EIOPA:

• EIOPA launches new set of consultations related to the Solvency II Review