Høyring frå EU-kommisjonen: Revisjon av offentleggjeringsforordninga (SFDR)

Formålet med å revidere SFDR er å forenkle regelverket, forbetre brukarvennlegheita og forhindre grønvasking. Dette inneber mellom anna å redusere byrden av berekraftsrapportering for aktørane i finansmarknaden slik at dei i større grad kan legge vekt på informasjonen som er viktigast for investorane. EU-kommisjonen vil vurdere høyringsinnspela som ein del av SFDR-gjennomgangen i fjerde kvartal 2025, og som er i tråd med dei foreslåtte tiltaka for å forenkle berekraftsrapporteringa i Kommisjonen sin Omnibus I-forenklingspakke.

Finanstilsynet oppfordrar norske interessentar til å gi innspel via høyringsportalen til EU-kommisjonen. Vi ber òg om at Finanstilsynet blir informert dersom det er forhold av særleg betydning for norske interesser som tilsynet bør vere merksam på.

Høyringa er open til 30. mai 2025.

Høyringsnotatet og meir informasjon er tilgjengeleg på nettstaden til EU-kommisjonen: 

• Revision of EU rules on sustainable finance disclosure