Høyring frå EU-kommisjonen: Identifisering av spotvalutareferanseverdiar etter referanseverdiforordninga artikkel 18a

Kommisjonen gjennomfører ei høyring om kva for spotvalutareferanseverdiar som oppfyller vilkåra i referanseverdiforordninga artikkel 18a(1) for å kartlegge behovet for å gjere unntak for visse spotvalutareferanseverdiar etter artikkel 18a i referanseverdiforordninga. Referanseverdiforordninga (EU) 2016/1011 er gjennomført i norsk rett i lov om fastsetting av finansielle referanseverdiar (referanseverdilova). 

Høyringa er retta mot føretak under tilsyn som nyttar spotvalutareferanseverdiar, selskap som sikrar valutakursendringar med spotvalutareferanseverdiar, tilsynsmakter og referanseverdiadministratorar. Høyringa skal støtte identifiseringa til kommisjonen av spotvalutareferanseverdiar som oppfyller vilkåra i artikkel 18a(1) i referanseverdiforordninga. 

Finanstilsynet reknar med at kommisjonsforordninga blir tatt inn i EØS-avtalen og gjennomført i norsk rett i referanseverdiforskrifta.

Vi ber òg om at Finanstilsynet blir informert dersom det er forhold av særleg betydning for norske interesser som tilsynet bør vere merksam på. Det vil i utgangspunktet ikkje bli gjennomført ei ny høyring når regelverket skal gjennomførast inn i norsk rett.

Høyringsfristen er 4. juli 2025.

Les meir på nettsidene til kommisjonen:

• Targeted consultation on the need to exempt spot FX benchmarks under Article 18a of Regulation (EU) 2016/1011