Høyring frå ESMA: Tekniske standardar til MiFID II om EU-åtferdskodeks for utstederfinansierte analysar
Høringer
Publisert: 19. februar 2025
Den europeiske verdipapir- og marknadstilsynsmyndigheita (ESMA) har sendt på høyring eit forslag til regulatoriske tekniske standardar for etableringa av ein EU-åtferdskodeks ("code of conduct") for utstederfinansierte analysar ("issuer-sponsored research”) i MiFID II. Høyringsfristen er 18. mars 2025.
I oktober 2024 vedtok EU ein regelverkspakke for verdipapirmarknaden, kalla "Listing Act" (Direktiv (EU) 2024/2811). Regelverkspakken inneber endringar i fleire rettsakter, mellom anna MiFID II.
Eit av tiltaka i Listing Act-direktivet gjeld utstederfinansierte analysar. Gjennom artikkel 1(2)(a) i direktivet blir nye føresegner innførte i punkt 3a til 3e i artikkel 24 i MiFID II, som etablerer ein EU-åtferdskodeks for slike analysar. Formålet er å styrkja tilliten til og bruken av utstederfinansierte analysar.
Dei nye føresegnene fastslår at ESMA skal utarbeida utkast til regulatoriske tekniske standardar for å etablera ein EU-åtferdskodeks for utstederfinansierte analysar. ESMA konsulterer no om utforminga av desse standardane, som skal sendast til Europakommisjonen innan 5. desember 2025.
Det er grunn til å tru at reglane blir tekne inn i EØS-avtalen og gjennomførte i norsk rett i verdipapirforskrifta.
Finanstilsynet ber føretaka informere tilsynet dersom det er forhold av særleg betydning for norske interesser som Finanstilsynet bør vere merksam på.
Det vil i utgangspunktet ikkje gjennomførast ny høyring når regelverket blir teke inn i norsk rett.
Høyringsfrist er 18. mars 2025.
Høyringsnotata og meir informasjon er tilgjengeleg på nettstaden til ESMA: