Høyring frå EBA: Utfyllande reglar til verdipapirsentralforordninga

Ein verdipapirsentral kan ifølge CSDR-artikkel 40(2) i visse tilfelle utpeike ein kredittinstitusjon til å gjennomføre pengesida av verdipapiroppgjeret. CSDR-artikkel 54(4) stiller detaljerte krav til desse kredittinstitusjonane. Dersom andelen av pengeoppgjeret som skal gjerast opp i ein kredittinstitusjon er under nærare angitte tersklar, er kredittinstitusjonen unntatt frå desse krava. EBA har no sendt på høyring eit forslag til utfyllande reglar om korleis tersklane skal beregnast. I tillegg har EBA foreslått krav til risikostyring og andre sikkerheitskrav som skal gjelde for kredittinstitusjonane som kjem under dei fastsette tersklane. 
 
Finanstilsynet ventar at forordninga blir tatt inn i EØS-avtalen og gjennomført i norsk rett. Finanstilsynet ber om å bli informert dersom det er forhold av særleg betydning for norske interesser som vi bør vere merksame på. Det vil i utgangspunktet ikkje vere ei ny høyring når regelverket blir gjennomført i norsk rett.

Høyringsfristen er 16. juni 2025.

Høyringsnotatet er tilgjengeleg på nettstaden til EBA:

• Consultation on Regulatory Technical Standards on on the threshold of activity at which Central Securities Depositories (CSDs) providing ‘banking-type ancillary services’