Høyring frå EBA: Retningslinjer om føretak som yter tilknytta tenester
Høringer
Publisert: 9. juli 2025
Den europeiske banktilsynsmyndigheita (EBA) publiserte 7. juli 2025 ei høyring om retningslinjer for å identifisere føretak som yter tilknytta tenester («ancillary services undertaking»). Retningslinjene vil gjelde for bankar m.fl. Høyringsfristen er 7. oktober 2025.
Forordning (EU) 2024/1623 (CRR3) endrar blant anna definisjonar av omgrepa «føretak som yter tilknytta tenester» og «finansinstitusjon» i artikkel 4(1) punkt (18) og (26). Endringane skal bidra til auka klarleik, ein meir einsarta bruk av konsolideringsreglane og styrkt tilsyn med risiko på konsolidert nivå.
Etter endringane i CRR3 er EBA pålagd å utarbeide retningslinjer for å spesifisere kriteria for kva for aktivitetar som er omfatta av definisjonen av «føretak som yter tilknytta tenester». Retningslinjene skal klargjere kva for aktivitetar som er
- direkte forbunde med bankverksemd
- å rekne som støttefunksjonar til bankverksemd (f.eks. operasjonell leasing, eigedomsforvalting og databehandling)
- tilsvarande aktivitetar som er vurderte av EBA
Høyringsfristen er 7. oktober 2025.
Finanstilsynet ber føretaka informere tilsynet dersom det er forhold av særleg betydning for norske interesser som Finanstilsynet bør vere merksam på.
Sjå informasjon om høyringa på nettstaden til EBA: