Høyring frå EU-kommisjonen: Nivå 2-reglar til forordninga om grøne obligasjonar

Det blir foreslått for det første ei forordning om frivillige målar for etterfølgjande rapportering av obligasjonar som blir marknadsførte som miljømessig berekraftige eller er "sustinability-linked bonds". Vidare blir det foreslått ei forordning om gebyr som ESMA skal krevje inn av eksterne kontrollørar. Det blir også foreslått ei forordning som spesifiserer prosedyrar ESMA skal følgje ovanfor eksterne kontrollørar ved bruk av straffegebyr.

Forordning (EU) 2023/2631 om grøne europeiske obligasjonar er til no ikkje teken inn i norsk rett. Det er grunn til å tru at reglane blir tekne inn i EØS-avtalen og gjennomførte i norsk rett som forskrifter.

Finanstilsynet ber om å bli informert dersom det er forhold av særleg betydning for norske interesser som Finanstilsynet bør vere merksam på. Det vil i utgangspunktet ikkje bli gjennomført ei ny høyring når regelverket skal gjennomførast i norsk rett.

Høyringsnotatet og meir informasjon er tilgjengeleg på nettstaden til EU-kommisjonen:

• Green bonds and sustainability-linked bonds – templates for voluntary post-issuance disclosures