Høyring frå EIOPA: Gjennomføring av nytt rammeverk for forholdsmessigheit under Solvens II

I dei kommande endringane i Solvens II-regelverket vil det bli fastsett ein metode for klassifisering av små og ikkje-komplekse forsikringsføretak som kan nytte enkelte tiltak for forholdsmessigheit som inneber lettingar i krava, samanlikna med det som gjeld for øvrige føretak. EIOPA har vurdert om metoden for klassifisering er hensiktsmessig. EIOPA har òg utarbeidd forslag til vilkår som skal nyttast i vurderingar av om ulike tiltak for forholdsmessigheit òg kan nyttast av føretak som ikkje er klassifiserte som små og ikkje-komplekse.

Det er venta at reglane vil bli innlemma i EØS-avtalen og gjennomførte i norsk rett ved inkorporasjon i Solvens II-forskrifta. Det vil ikkje bli gjennomført ei ny høyring når endringane blir tekne inn i norsk rett.

Finanstilsynet ber om å bli informert dersom det er forhold av særleg betydning for norske interesser som Finanstilsynet bør vere merksam på.

Høyringsfristen er 25. oktober 2024.

Høyringsnotatet og meir informasjon er tilgjengeleg på nettstaden til EIOPA:

• Consultation on the implementation of the new proportionality framework under Solvency II