Høyring frå EBA: Utfyllande reglar til kapitalkravsforordninga (CRR) om felles beslutningsprosess for søknader om bruk av interne modellar for kapitaldekningsformål

CRR-artikkel 20 nr. 1 bokstav a regulerer samarbeid mellom tilsynsmyndigheiter ved søknader om bruk av interne modellar for kapitaldekningsformål. Utfyllande reglar til føresegna gitt i EU-kommisjonen si gjennomføringsforordning (EU) 2016/100, angir den felles beslutningsprosessen som skal leggast til grunn for søknader om løyve til bruk av interne modellar for kapitaldekningsformål. Forordninga er gjennomført i CRR/CRD IV-forskrifta § 2 andre ledd nr. 4. Den reviderte kapitalkravsforordninga (forordning (EU) 2024/1623, «CRR3») medfører at det er nødvendig å endre dei utfyllande reglane. Høyringsdokumentet omhandlar EBA sitt forslag til endring av gjennomføringsforordning 2016/100.

Endeleg forslag vil bli utarbeidd etter høyringa og blir deretter sendt til EU-kommisjonen.
Når reglane blir tekne inn i EØS-avtalen, reknar Finanstilsynet med at dei vil bli gjennomførte i norsk rett ved inkorporasjon i § 2 andre ledd i CRR/CRD IV-forskrifta. Finanstilsynet ber om å bli informert dersom det er forhold av særleg betydning for norske interesser som Finanstilsynet bør vere merksam på. Det vil i utgangspunktet ikkje bli gjennomført ei ny høyring når regelverket skal takast inn i norsk rett.

Høyringsfristen er 16. oktober 2024.

EBA arrangerer ei offentleg høyring via ein telefonkonferanse 18. september 2024, kl. 14.00.

Meir informasjon om høyringa og høyringsnotatet på nettstaden til EBA:

• The EBA consults on amending its technical standards on the joint decision process for internal model authorisation (EBA/CP/2024/16)

Pressemelding frå Finansdepartementet:

• Høring om endringer i kapitalkravsforordningen (CRR3)