Høyring frå EIOPA: Endring av nivå 2-regelverk for Solvens II

Høyringa omfattar kriterium som tilsynsmyndigheitene kan kreve at forsikringsføretaka nyttar for å analysere systemrisiko i eigenvurderingane deira av risiko og solvens (ORSA), og prinsippet om forsvarlegheit i investeringane ("prudent person principle").

Det er venta at reglane vil bli tekne inn i EØS-avtalen og bli gjennomførte i norsk rett ved inkorporering i Solvens II-forskrifta. Det vil ikkje bli gjennomført ei ny høyring når endringane skal takast inn i norsk rett.

Finanstilsynet ber om å bli informert dersom det er forhold av særleg betydning for norske interesser som Finanstilsynet bør vere merksam på.

Høyringsfristen er 9. januar 2025.

Høyringsnotatet og meir informasjon er tilgjengeleg på nettstaden til EIOPA:

• EIOPA opens consultation on criteria for selecting insurers to run macroprudential analyses