Høyring: ESMA undersøker forkorting av oppgjersperioden for verdipapir

I 2014 fastsette det felleseuropeiske regelverket Central Securities Depository Regulation (CSDR) eit krav om at alle transaksjonar i omsettelege verdipapir som er utførte på ein handelsplass, skulle gjerast opp seinast innan den andre verkedagen etter at handelen fann stad (ofte referert til som T+2). ESMA ønsker å kartlegge om oppgjersperioden bør reduserast til T+1, altså til den første verkedagen etter handelen. 
 
Undersøkinga vil hjelpe ESMA med å vurdere kostnadene og fordelane ved ein mogleg reduksjon av oppgjersperioden i EU, og identifisere om det er nødvendig med reguleringstiltak i EU grunna den planlagde forkortinga av oppgjersperioden til T+1 i andre jurisdiksjonar, til dømes USA. 
 
Spesielt inviterer ESMA marknadsinfrastrukturar (verdipapirsentralar, sentrale motpartar og handelsplassar), deira medlemmer og deltakarar, andre verdipapirføretak, utskrivarar, fondsforvaltarar, investorar og deira representantar til å gi detaljerte tilbakemeldingar på spørsmåla som ESMA stiller. 
 
Finanstilsynet ber verksemdene informere tilsynet dersom det er forhold av særleg betydning for norske interesser som Finanstilsynet bør vere merksam på. 
 
Fristen for å svare på spørsmåla frå ESMA er 15. desember 2023. 
 
Les meir på nettstaden til ESMA: 

• Call for evidence on the shortening of the settlement cycle