Ny standard depotmottakaravtale [Rundskrivet er opphevet]

Red.anm. 12.3.2012: Rundskrivet er erstattet av informasjon på Finanstilsynets nettsted: Ny standard depotmottakeravtale

Forvaltningsselskap nr. 1
Depotmottakarar nr. 1

Kredittilsynet har i samarbeid med representantar frå forvaltningsselskap for verdipapirfond, også representert ved Verdipapirfondenes Forening, og depotmottakarar, utarbeidd ny standard depotmottakaravtale.

Ny standard depotmottakaravtale er utarbeidd for å reflektere betre dei kontrollforpliktingane som depotmottakar har etter verdipapirfondlova kapittel 5 samanlikna med tidlegare avtale.

Kredittilsynet tilrår at ny standard depotmottakaravtale blir nytta. Avvik frå standard depotmottakaravtale bør bli grunngitt. Det følgjer av verdipapirfondlova § 5-2 at depotmottakaravtale må godkjennast av tilsynsstyresmakta. Endringar i avtalen må òg godkjennast. Bruk av standard depotmottakaravtale vil kunne gi raskare godkjenning.

Kredittilsynet tilrår alle forvaltningsselskap for verdipapirfond å erstatte depotmottakaravtaler etter tidlegare standard med ny standard depotmottakaravtale så snart det er praktisk å gjennomføre. Etablering av ny, og endringar i eksisterande depotmottakaravtalar, skal godkjennast av tilsynsstyresmakta, jf. verdipapirfondlova § 5-2. Ved kun å erstatte tidlegare standard med ny standard depotmottakeravtale, meiner Kredittilsynet det ikkje er nødvendig å hente inn ny førehandsgodkjenning. Opplysningar om ny standard depotmottakaravtale, med stadfesta kopi av avtalen, skal sendast Kredittilsynet innan rimeleg tid etter at ny standard depotmottakaravtale er signert.

Eirik Bunæs                                                                                         Eystein Kleven

Kontaktpersonar:
John Thore Olsen, tlf. 22 93 99 87, e-post: john.thore.olsen@Kredittilsynet.no
Lisbeth Økland, tlf. 22 93 98 26, e-post: lisbeth.okland@Kredittilsynet.no

Vedlegg:
[Red. merkn. 16.12.2009: Det er gjort endringer i vedlegget til dette rundskrivet. I den oppdaterte versjonen av standard depotmottakeravtale er pkt. IX første ledd andre setning endret. Se også utfyllende informasjon i brev sendt til depotmottakere og forvaltningsselskaper for verdipapirfond.]
Standard depotmottakaravtale (doc)
Standard depotmottakaravtale (pdf)