Forsikringsmeklarføretak nr. 1
Rundskrivet er utarbeidd av Kredittilsynet i samarbeid med Statistisk sentralbyrå (SSB) og omhandlar rapporteringa frå forsikringsmeklarføretaka for 2005. Rundskrivet blir sendt til norske forsikringsmeklarføretak som var registrerte i Kredittilsynet ved utgangen av 2005. Det er ikkje gjort endringar i forhold til rapporteringa for 2004.
I 2006 vil rapporteringa bli vurdert som følgje av ny lov om forsikringsformidling som trådde i kraft 1. januar 2006.
Kredittilsynet og SSB presiserer at alle forsikringsmeklarføretak som har transaksjonar eller mellomvere med utlandet må rapportere dette i årsoppgåva. I kolonnen ”Herav utland” i resultatrekneskapen må føretaka spesifisere inntekter frå / kostnader til utanlandsregistrerte selskap og privatpersonar med postadresse i utlandet. I kolonnen ”Herav utland” i balansen må føretaka oppgi eigedelar og gjeld der debitor/kreditor er utanlandsregistrert selskap eller privatperson med postadresse i utlandet. Vidare må føretaka spesifisere fast eigedom i utlandet, samt selskapskapital på utanlandske hender. Sjå vedlagde årsoppgåve og rettleiing.
Honorar som føretaka mottek frå forsikringskundar for utført meklarverksemd skal førast under ”Honorar for meglervirksomhet” (kode 1030).
Under ”Sum premiebeløp” (kode 4600) er det totalt premiebeløp (totalt mekla portefølje) som skal rapporterast. Av totalt premiebeløp skal eventuelle premiebeløp knytt til mekling av forsikringar for privatpersonar spesifiserast særskild i kodane 4940, 4960 og 4980.
Kredittilsynet og SSB påpeiker at alle opplysningar i årsoppgåva må fyllast ut, og at alle beløp skal rapporterast i heile tusen kroner. Sjå rettleiinga for nærmare omtale av dei ulike postane.
Kredittilsynet og SSB går ut frå at samtlege forsikringsmeklarføretak og andre berørte partar gjer seg kjende med det vedlagde materialet, og at nødvendige tiltak blir sette i verk for å oppfylle krava til rapportering. Selskapa må utvikle rutinar og system slik at den pålagde rapporteringa kan skje innan gjeldande fristar. Kredittilsynet og SSB minner om at selskapa pliktar å overhalde rapporteringsfristane.
Alle forsikringsmeklarføretak må sende inn årsoppgåve for 2005 innan 30. april 2006.
I tillegg er forsikringsmeklarføretaka pålagde å sende inn årsrekneskapen for 2005 med rapport frå styret, notar og revisjonsrapport innan 1. juni 2006.
Sven-Henning Kjelsrud
Emil Steffensen
Kontaktpersonar:
Kredittilsynet:
Lars Aurdal, tlf. 22 93 98 61
For spørsmål om rapportering av utanlandske transaksjonar:
Statistisk sentralbyrå:
Kjell Hammer, tlf. 21 09 45 13
Vedlegg:
”Årsoppgave for forsikringsmeglerforetak” – 2005
”Veiledning for utfylling av årsoppgave for forsikringsmeglerforetak”
