Endringar i "Forskrift 1997-06-20 om klargjøring av kontrollansvar, dokumentasjon og bekreftelse av den interne kontroll" ("Internkontrollforskriften") [ERSTATTA AV RUNDSKRIV 16/2003]

Sparebanker nr. 3
Forretningsbanker nr. 3
Livsforsikringsselskap nr. 3
Skadeforsikringsselskap nr. 3
Finansieringsselskap nr. 3
Kredittføretak nr. 3
Pensjonskasser nr. 2
Pensjonsfond nr. 2
Verdipapirføretak nr. 2
Forvaltningsselskap nr. 2
Børsar og autoriserte marknadsplassar nr. 2
VPS nr. 2
Oppgjersentralar nr. 2

Kredittilsynet fastsette den 16. desember 2002 endringar i ”Forskrift 1997-06-20 om klargjøring av kontrollansvar, dokumentasjon og bekreftelse av den interne kontroll” (”internkontrollforskriften”). Det blir gjort endringar i §§ 1–1, 2–1 og 4–2. Forskriftsendringane blir iverksett den 1. januar 2003.

I hovudtrekk inneber forskriftsendringane følgjande:

1. at bankar, forsikringsselskap, kredittføretak, finansieringsføretak, pensjonskasser og -fond, verdipapirføretak og fondsforvaltningsselskap med ein forvaltningskapital for eigne og kundane si rekning på meir enn 10 milliardar kroner blir pålagd å etablere internrevisjonsfunksjonar.
2. at institusjonar som blir ansett å vere del av infrastrukturen i verdipapirmarknaden blir pålagd obligatorisk internrevisjon. Dette gjeld då børsar, marknadsplassar og oppgjerssentralar, samt Verdipapirsentralen.
3. at det uansett bør vere ein hovudregel, og ein del av styret sitt ansvar, i alle føretak å ta stilling til om internrevisjon skal etablerast. Dette er eit viktig prinsipp i forhold til det styret alt er pålagd å gjere etter denne forskrifta § 2–1.

Føretak som ikkje har etablert internrevisjon når forskrifta trer i kraft, skal etablere slik internrevisjon innan 1. januar 2004.

Kredittilsynet tek for øvrig sikte på å gi ut eit rettleiande rundskriv i forhold til aktuelle problemstillingar knytta til denne forskrifta i løpet av første kvartal 2003.

Avgjerdene slik dei vil lyde etter endringane følgjer vedlagt. Det blir gjort oppmerksam på at § 1–1 og § 4–2 har fått heilt ny ordlyd, mens det i § 2–1 berre er tilføydd eitt siste strekpunkt.

Bjørn Skogstad Aamo

Anne Merethe Bellamy

Vedlegg:      Forskrift om endring av ”Forskrift 1997-06-20 om klargjøring av kontrollansvar, dokumentasjon og bekreftelse av den interne kontroll” (doc)